आत्मविश्वास

 विषालु काँडाहरुसँग
दुर्भाग्यमा घटेको त्यो घृणित काण्डलाई
तिमी आफ्नै मनको गोपनीयतामा
दफन गर्दै नगर ,
निर्भिक होउ तिमी
र
निर्धक्क भएर सुनाउ आफ्नो सत्यता
किनकि मलाई आत्मविश्वास छ
एक दिन
कोही आउनेछ ,
अवश्य आउनेछ तिम्रो हात थाम्नलाई
तिम्रो सारा सारा सत्यतालाई हृदयदेखि अङ्गीकार गरी
हर मोड अनि परिस्थितिमा
जिन्दगीको अन्तिम पलसम्म स्वेच्छाले तिम्रो साथ निभाउनलाई !!