गजल

पिरतीको यो बगैचामा, संगै फूलौ झरौ भन्दा !
नाता तोडी अन्तै लाग्यौ संगै यात्रा गरौ भन्दा !

आशा रोपी मेरो मन्मा योग्य छैनौ भनी छाड्यौ  !
एक-अर्काको हात थामी जीवन नदी तरौ भन्दा !

बलात्कार गर्नु नयाँ कुरा हो र ?

बलात्कार गर्नु नयाँ कुरा हो र ?
झुन्डिएर मर्नु नयाँ कुरा हो र ?

सरकारी शोषक बाट सधै जनता
अन्यायमा पर्नु नयाँ कुरा हो र ?

अँधेरीमा रोशनी छर्नेहरु !

महान बन्छन् आफै बली अँधेरीमा रोशनी छर्नेहरु !
सफल हुन्छन् लगनशीलभै सधै यहाँ प्रयास गर्नेहरु !

अभाव होस् या समस्यामा हिम्मत गर्दै अगि बढ्छन्
......जिन्दगीको अर्थ बुझ्दै आफ्नै हातले रंग भर्नेहरू !

सुमार्ग याँ देखाउदै एकै साथ कयौ जन्म लिन्छन्
सजीव तन्को ढुकढुकी भै लाखौ मन्मा वास सर्नेहरु !

मृत्यु कहाँ अन्त्य हो र परिचित हुन: सके जगमा
बाँची रन्छन् युगौसम्मा असल कर्म गरी मर्नेहरु !



सजना गुरुङ " प्रयत्न "

दुनियाँको कुरा नसुन्नु है तिमी !

कोट हेर्ने दुनियाँको कुरा नसुन्नु है तिमी !
नोट हेर्ने दुनियाँको कुरा नसुन्नु है तिमी !

सत्कर्मले फेर्नु पर्छ सब्को गलत् सोंचलाई
खोट हेर्ने दुनियाँको कुरा नसुन्नु है तिमी !

आँट गरे हिड्न सक्छौ एक्लै पनि काँडेपथ
चोट हेर्ने दुनियाँको कुरा नसुन्नु है तिमी !

अलोचना सुन्दै बुझ्दै दृढ बनि अगि बढ्नु
बोट हेर्ने दुनियाँको कुरा नसुन्नु है तिमी !

सजना गुरुङ " प्रयत्न "

गुलाबसरी हाँस्छु म त काँडाको त्यो बोटमा पनि !

सबल बन्दै बाँच्छु म त आँशु झार्ने चोटमा पनि !
गुलाबसरी हाँस्छु म त काँडाको त्यो बोटमा पनि !

फूल्छ फल्छ जिन्दगानी सकारात्मक हुन सके
आफैलाई जाँच्छु म त देखाएको खोटमा पनि !

प्रेरणाको बात बनी आयौ तिमी !

अँधेरीमा पुर्णिमाको रात बनी आयौ तिमी !
उत्साह भर्दै प्रेरणाको बात बनी आयौ तिमी !

झरीसके जस्तो लाग्थ्यो बैसारुपी फूल पनि
तनमनलाई ब्यूँझाउने मात बनी आयौ तिमी !

बेहुली तिम्रै , नजिक अब , डाक्ने पो किन हो ?
सुन्दरी छु म , घुम्टोले मुहार , ढाक्ने पो किन हो ?

समझ भए , जिंदगी बाँच्न , हुनेछ सजिलो
लालची बनि , अमिर लोग्ने , ताक्ने पो किन हो ?

यही मंसीरमा !

स्वामी मानी छुन्छु तिम्रै पाउ यही मंसीरमा !
फेर्छु अब मेरो घर, थर नाउ यही मंसीरमा !


 चाहीदैन हिरा मोती हार मन मिल्यो भने
खोज्दिन भो म त कत्ति भाउ यही मंसीरमा !

सार्थक हुन्थ्यो म जन्मेको !

सत्य कर्म गर्न पाएँ सार्थक हुन्थ्यो म जन्मेको !
 श्रेष्ठ बनि मर्न पाएँ सार्थक हुन्थ्यो म जन्मेको !

चेतनाको आँखा खोली अँध्यारो यो संसारमा
शिक्षा ज्योती छर्न पाएँ सार्थक हुन्थ्यो म जन्मेको !

जिवनको अन्तिम पलसम्म !

खुशी हुँदै हाँस्न पाउँ जिवनको अन्तिम पलसम्म !
तिमीसँगै बाँच्न पाउँ जिवनको अन्तिम पलसम्म !


दुख होस् या सुख तिम्रै अंगालोमा बाँधिएर सदा
अटुट नाता गाँस्न पाउँ जिवनको अन्तिम पलसम्म !

मौका हेरी छेउ सर्नेहरु कति कति !

मौका हेरी छेउ सर्नेहरु कति कति !
मलाइ नै माया गर्नेहरु कति कति !


चाहे देखि मैले मेरो एकै इशारामा
डाली बाट भुइँ झर्नेहरु कति कति !

गुरुङ् कै पो छोरीलाई !

मुसुमुसु हाँस्दै मन चोर्ने मोरीलाई !
टप्प टिपी लान्छु गुरुङ् कै पो छोरीलाई !

माया गर्छु भन्दा भाउ मात्र खोजीर’ने
त्यागीदिन्छु अब सबै छुच्ची गोरीलाई !
टप्प टिपी लान्छु गुरुङ् कै पो छोरीलाई ! !

बाँध्न आयो भने जात भात भन्दै कोही
काटी दिन्छु आफै भेदभाव् को डोरीलाई !
टप्प टिपी लान्छु गुरुङ् कै पो छोरीलाई ! !

 

सत्य तितो !

झरेपछि फल्न नसक्ने सत्य तितो !
आफैलाई छल्न नसक्ने सत्य तितो !

मृत्यु भित्र बाँच्ने कोशिश गर्नै पर्ने
बिष पिई ढल्न नसक्ने सत्य तितो !

गजल

मलाई माया मार्नेलाई बधाई छ !
 बसाईं अन्तै सार्नेलाई बधाई छ !

सुकेको बोट मल जल गरी फेरी
अन्त्यमा फूल झार्नेलाई बधाई छ !

धेरै मुटु दुख्छ मेरो !

बढी दिंदा पीर व्यथा धेरै मुटु दुख्छ मेरो !
 बाँच्ने इच्छा हुँदाहुँदै आफै सास रुक्छ मेरो !

सजिलो नै कहाँ छ र चोट सही हाँस्नलाई
 खुशीहरु सधै भरी आँशु सामु झुक्छ मेरो !
 बाँच्ने इच्छा हुँदाहुँदै आफै सास रुक्छ मेरो !!

गजल

बल्झाएर घाउ नुन छर्नेलाई चिने मैले !
 साथ दिन्छु भनि घात गर्नेलाई चिने मैले !

महजस्तै शब्दपोखी आफ्नो स्वार्थ पुरागर्न
माया गर्छु भन्दै मन हर्नेलाई चिने मैले !

तिम्ले चाहे जस्तै बनी तिम्रो मन हर्न जानिन !

तिम्ले चाहे जस्तै बनी तिम्रो मन हर्न जानिन !
 गल्ती मेरै होला शायद मैले माया गर्न जानिन !

भुलाएर पीर व्यथा हाँस्न खोज्ने तिम्रो ओठमा
आँशु पुछी त्यो आँखाको खुशीहरु भर्न जानिन !

तिम्रै प्रेम्को घुम्टो ओढी

तिम्रै प्रेम्को घुम्टो ओढी लजाउने चाह कति कति !

तिम्रै साथ्मा संसार मेरो सजाउने चाह कति कति !

 

हुन्थ्यो भने सम्बन्धको निर्णय त्यो मेरै हातमाथी

आफ्नो ठानी तिमीलाई कजाउने चाह कति कति !

गजल

तिमीसंग प्रेम गर्दा खुनको आँशु बग्यो !
तिमी भनि भर पर्दा खुनको आँशु बग्यो !
       

लाशसरी भएँ आज जिउंदै रहे पनि
तिम्रैनिम्ति खुशी छर्दा खुनको आँशु बग्यो !

गजल

तिम्रै बाटो हुँदै झर्छु सम्झौता पत्र तयार गर !
जे जे गर्न पर्छ गर्छु सम्झौता पत्र तयार गर !


तोडेर पो किन टुट्थ्यो आत्माको डोर पवित्र आज
वास तिम्रै घर सर्छु सम्झौता पत्र तयार गर !