मेरो बैसाकी बन्न नखोज !

म आफ्नै खुट्टामा उभिन सक्छु
मेरो आत्माले डोहर्याएको बाटो टेक्दै
म आफ्नै भरमा लक्ष्य हासिल गर्न सक्छु
मेरो हुनुको भार जति पर्छ म मा
म स्वयम नै थाम्न सक्छु ,
भो , मलाई...
 म कम्जोर छु भन्दै सहारा दिन न खोज
किनकि म जान्दछु ,
मैले मेरो आत्मविश्वास सबल बनाइ सकेकी छु ,
आफ्नो निम्ति आफै नै
कति प्रिय अनि महत्वपूर्ण रहेछु भन्ने जानी सकेकी छु ,
त्यसैले भन्छु ,
क्षणभरलाई मेरो उपासक बनि
कुनै मिथ्या नाटक प्रदर्शन गर्दै ,
मेरो बैसाकी बन्न नखोज !