मुक्तक

मुक्तक
१ ,
स्वार्थ पुरागर्न फूल बनि झुक्नुको राज जाने
घाइते कुकुर दिन रात भुक्नुको राज जाने
 होशियार सोझाहरु ! आफैले मान्ने देउतालाई
आफ्नै प्रिय भक्तलेनै सबैसामु थुक्नुको राज जाने |

२ ,
बहकिन नदिई मनलाई दृढतामा थुन्नुपर्छ आफैले नै
बिर्सिएर पुरानो त्यो बस्ती नयाँबाटो चुन्नुपर्छ आफैले नै
 साकार हुनेछन् सपना पनि कुनै दिन सहासी भै अगि बढे
आशाका ती मोतीहरू आफ्नो जिन्दगीमा उन्नुपर्छ आफैले नै !


३ ,
तिमीबाट टाढा जाने कोशिस गर्दैछु अलिअलि
समुन्द्र छ आँखामा नदि बनि झर्दैछु अलिअलि
जस्को हुनुमा गर्व गरें त्यही फूलले रेट्दा आज
बाँचे जस्तो लागेपनि भित्र भित्रै मर्दैछु अलिअलि !