जब एक्लै हुन्छु ...

जब एक्लै हुन्छु
तिम्रो सम्झनामा डुब्छु
अनि सोंच्छु
कहाँ के विराएँ
या कसरी तिम्रो मन दुखाएँ
के गल्ती गरें मैले ...?
जो तिमी बीच बाटोमै
मलाई एक्लै छोडेर गयौ ?
म सँगको सारा नाता तोडेर गयौ ?

 

भन्ने गर्थ्यौ ,
हर मोडमा मेरो साथ निभाउने छु भनि
हामी नै संसारको आदर्श जोडी हौ भनि
आज तिम्रा हरेक वाचा सम्झन्छु ,
र ऐना फुटे जस्तै टुक्रा टुक्रा हुन्छु ,
दिनहरु वित्दै जान्छन्
म अरु दुख्दै जान्छु ,
र
एकान्तमा बसेर सोंच्छु
कहाँ के विराएँ मैले
कुन व्यवहारले तिम्रो मन दुखाएँ
जो तिमी आदि यात्रा मै
म सँग मुह मोडेर गयौ !
हामी बीचको सारा नाता तोडेर गयौ ?

 

सजना गुरुङ “ प्रयत्न “