नदुख भो घाउ बनि मनभित्र रुने चाह छैन मलाई

1,
नदुख भो घाउ बनि मनभित्र रुने चाह छैन मलाई
सम्झनामा डुब्दै निर्जीव तस्वीर छुने चाह छैन मलाई
जानीसकें त्यो नशानशामा स्वार्थको खोली बग्छ भन्ने
नआउ भो वरिपरी ढुंगे मुर्ति तिम्रो हुने चाह छैन मलाई !


2,
सम्बन्धको नाउमा आज कहीकतै छैनौ तिमी
मायाको त के कुरा , घृणामा नि रहेनौ तिमी
आफ्नै हातले सिउँछु भनी मन अरु फाटी दियौ
वर्तमानको कुनैपल सम्झने लायक भएनौ तिमी !



3,
पीडा कति भयो मलाई तिमी आफै रोई हेर
चोट सारा त्यही आँशुले तिमी पनि धोई हेर
कति शुन्य कति उजाड हुने रैछ जिन्दगानी
पागल हुँदै मेरो तस्वीर एक्लै सधै छोई हेर !