मुक्तक

१,
हँसायौ तिम्ले नै तिम्रै दिलमा खुशी छर्छु म त
फुलायौ तिम्ले नै तिम्रै दिलमा आज झर्छु म त
सारा चोट , पिडा सारा समस्यामा टुट्न बाट
बचायौ तिम्ले नै तिम्रै दिलमा बसाइ सर्छु म त !

२ ,
दिनमा त सबै हिड्छन् परिक्षा त रातमा छ साथी
अमृत र विषको मुहान तिम्रो नै बातमा छ साथी
हरेस नखाउ सुरक्षित छ भविष्य तिम्रो आज पनि
सहासी भै अगि बढ वर्तमान तिम्रो नै हातमा छ साथी !



३,
शायद कर्तव्यको बाटोमा म नै चुकें धेरै
ममतामयी साथ् खोज्दै तिमीसामु म नै झुकें धेरै
कसरी म बाँची रहेछु, बुझ्न कहिल्यै चाहिनौ आमा
हरपल हामीबीचको सम्बन्ध भित्र एक्लै म नै दुखें धेरै !

४ ,
तिम्रो साथ् पाए देखि धेरै खुशी छु म
मुल्यावान छ आँशु पनि व्यर्थै किन रुँ म
काँडे पथ पार गरी गन्तव्यलाई भेट्दा
यस्तो लाग्छ संसार कै भाग्यमानी हुँ म !!