स्वार्थी भै घात दिनेलाई धन्यबाद

1,
स्वार्थी भै घात दिनेलाई धन्यबाद
माया गर्दै साथ दिनेलाई धन्यबाद
जे हुन्छ राम्रो हुनलाईनै हुन्छ भनि
मधुर त्यो बात दिनेलाई धन्यबाद !!


2,
एकअर्काको साथ निभाउनु पर्ने कर माग्छु हजुर
मायाले बनाएको कैले नभत्किने घर माग्छु हजुर
 स्वार्थी बनी आफ्नो मात्र भलो सोच्ने यो संसारमा
नबिक्ने र नबदलिने एकै निर्णय र भर माग्छु हजुर !


3,
तिम्रो बात पाएपछी मुस्कुराउँछ मेरो बिहानी
तिम्रो हात पाएपछी सजीवबन्छ निर्जीव सिरानी
पुज्छु तिमीलाईनै तिमी ईश्वर मेरो मन मन्दिरको
तिम्रो साथ पाएपछी सार्थक हुन्छ यो जिन्दगानी !