बेहुली तिम्रै , नजिक अब , डाक्ने पो किन हो ?
सुन्दरी छु म , घुम्टोले मुहार , ढाक्ने पो किन हो ?

समझ भए , जिंदगी बाँच्न , हुनेछ सजिलो
लालची बनि , अमिर लोग्ने , ताक्ने पो किन हो ?

गर्नु छ धेरै , कठिन यात्रा , मिलेर दुवैले
विजयी हुन , बढ्नुछ अगी , थाक्ने पो किन हो ?

धैर्यता राखी , दुखमा पनि , निभाउ साथ यो
आत्तिदै रिस्ले , पिडामा नाता , जाक्ने पो किन हो ?

प्रेमनै धर्म , इमान कर्म , प्रेमनै नभए
मनै छ पापी , मुखले दैव , भाक्ने पो किन हो ?